بسم الله والصلاة والسلام على نبينا محمد، نتشرف في باباسيتو بتوضيح سياستنا المتبعة ونبدا بشكرك عزيزي/عزيزتي على اختياركم لباباسيتو.
نفرح بكم وحريصين عليكم حيل حيل، ولحظة المنى والسعد اذا سمعنا رنة التطبيق يعلمنا عن طلبكم.
معالجة الطلبات تكون خلال ساعات العمل (٨ص-٤م) كل ايام الاسبوع ما عدا الجمعة، حتى حنا نحتاج اجازة مثلكم ☺️ بس وعد نحاول ما نتأخر عليكم ❤️
للاستفسارات والاسئلة تلقونا عالواتس او الايميل (موجودة ايقونة التواصل تحت 👇🏻) ونسعد بأي استفسار منكم يخص القهوة او خارجها (استفسارات لبدء مشروع او شراء حماصة او حتى رأينا في المحامص الثانية 😜).
اذا طلبت مننا بنجهز طلبك خلال ٤٨ ساعة ونسلمه لشركة الشحن وبإذن الله ما يتأخرون بالطلب ويوصل في ٣-٤ ايام عمل. بس احيانا شركات الشحن يكون عليهم ضغط بالطلبات ويتأخرون اكثر وخصوصاً ايام العروض مثل اليوم الوطني ويوم التأسيس وتخفيضات رمضان ونهاية السنة وغيرها كثير، اللي نطلبه هدوء ونفس عميق الين يوصلك الطلب وتذكر good things come to those who wait بمعنى الاشياء الجميلة توصل للي ينتظرها وانتم وقهوتنا احلى اثنين وتجمعنا المحبة ويغارون منا الاحبة 🥰
اذا وصلت الشحنة متضررة تكفى تواصل معنا مباشرة نشوف شغلنا مع شركة الشحن ولا تتاخر علينا اكثر من ٣ ايام، بعدها ما نقدر نسوي شي. ننصحك تصور للتوثيق وترفض استلامه وعطنا خبر وزهللها.
عنوان الشحن ضروري ضروري مرة يكون صحيح لاننا ما نقدر نعدل عليه ابدا اذا توثق الطلب وانتهى الدفع.
بعد هالكلام الطويل اللي لازم نقوله، ودنا نقول قبل ننتهي تراك انت/انتِ اولويتنا القصوى ومشروعنا كله عشانك ورهن اشارتك وكل اللي نقدر عليه بنسويه عشان نرضيك وتكون تجربتك معنا افضل تجربة وتبلغ اصدقاءك/صديقاتك عننا ويتعاونون معنا بالشراء، بالاخير نحب نشكرك ونقولك انت/انتِ غالي علينا.